საქართველოს მთავრობა და EBRD ინვესტორთა საბჭოს ქმნიან

საქართველოს მთავრობა და ევროპის რეკონსტრუქციისა და განვითარების ბანკი ინვესტორთა საბჭოს ქმნიან. შესაბამის მემორანდუმს დღეს ხელი მოაწერეს საქართველოს პრემიერ-მინისტრმა ირაკლი ღარიბაშვილმა და EBRD-ის პრეზიდენტმა სერ სუმა ჩაკრაბარტიმ.

მემორანდუმის მიხედვით, საქართველოს მთავრობა და ევროპის რეკონსტრუქციისა და განვითარების ბანკი საქართველოში ინვესტიციების მოზიდვასა და ბიზნესკლიმატის გაუმჯობესებაზე ერთობლივად იმუშავებენ.

"მინდა, საქართველოს მთავრობის სახელით დიდი მადლობა გადავუხადო EBRD-ის პრეზიდენტს. ჩვენ მოხარული ვართ, რომ დღეს გავაფორმეთ ურთიერთგაგების მემორანდუმი, რომლის ფარგლებშიც ინვესტორთა საბჭო შეიქმნება. საბჭო საქართველოს მთავრობისა და ევროპის რეკონსტრუქციისა და განვითარების ბანკის მხარდაჭერით აქტიურად იმუშავებს ჩვენს ქვეყანაში ინვესტიციების ზრდის მიმართულებით. ინვესტორთა საბჭო მთავრობასა და ბიზნესს შორის შექმნის დიალოგის ახალ პლატფორმას და ხელს შეუწყობს ურთიერთთანამშრომლობას ბიზნესგარემოს გაუმჯობესების კუთხით", - განაცხადა საქართველოს პრემიერ-მინისტრმა მემორანდუმის ხელმოწერის შემდეგ, სერ სუმა ჩაკრაბარტისთან ერთობლივად გამართულ ბრიფინგზე.

მისივე თქმით, მემორანდუმის ფარგლებში საქართველოს მთავრობა მოახდენს იმ კონკრეტული სფეროების იდენტიფიცირებას, რომლებშიც საქართველოს მთავრობის მოქმედებები და ბანკის მხარდაჭერა შესაძლებელს გახდის ბიზნესგარემოს მნიშვნელოვან გაუმჯობესებას.

"რა თქმა უნდა, ყურადღებით განვიხილავთ იმ წინადადებებს, რომლებსაც ბიზნესსექტორი შემოგვთავაზებს და მათი განხილვა მოხდება ინვესტორთა საბჭოს სხდომებზე. მოხარული ვარ, რომ მემორანდუმის ფარგლებში ბანკი მხარს დაუჭერს საქართველოს განვითარების გეგმის იმპლემენტაციასაც. ეს არის განსაკუთრებული ეტაპი ჩვენი მრავალწლიანი თანამშრომლობის ფარგლებში", - განაცხადა საქართველოს პრემიერ-მინისტრმა.

ინვესტორთა საბჭოს საქართველოს პრემიერი უხელმძღვანელებს. მის შემადგენლობაში კი შევლენ როგორც ქართული და უცხოური ბიზნესასოციაციების, ისე კერძო სექტორის განვითარების სფეროში აქტიური დონორი ორგანიზაციების წარმომადგენლები და საქართველოს საგადასახადო ომბუდსმენი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს