რესპუბლიკური საავადმყოფოს გენერალური დირექტორის ავთანდილ იმედაძის განცხადებით, ვეფხვისაგან დაგლეჯილი ოთარ ცუხიშვილი საავადმყოფოში პრაქტიკულად, გარდაცვლილი მიიყვანეს.

როგორც ჟურნალისტებთან საუბრისას იმედაძემ განაცხადა, რესპუბლიკურ საავადმყოფოში ცხოველის მიერ მიყენებული ჭრილობების გამო პაციენტი მიიყვანეს.

"პაციენტი მოიყვანეს გულის გაჩერებით. ჩატარდა რეანიმაციული ღონისძიებები, რომელმაც შედეგი ვერ გამოიღო. დაფიქსირდა სიკვდილი. პაციენტს სიცოცხლისათვის შეუთავსებელი დაზიანებები ჰქონდა, კერძოდ, საძილე არტერია იყო გაგლეჯილი, ჭრილობა აღენიშნებოდა კისრის არეში. პრაქტიკულად, პაციენტი გარდაცვლილი იყო", - აღნიშნა ავთანდილ იმედაძემ.

მისივე თქმით, ცხოველის დაგლეჯის ფაქტზე სხვა შეტყობინება არ შესულა.