სოფელ ახალდაბაში, ხვალ, ენერგეტიკის მინისტრის მოადგილე ილია ელოშვილი და კომპანია "ყაზტრანსგაზ-თბილისის სპეციალური მმართველი გია ბენაშვილი 13-14 ივნისის სტიქიის გამო დაზიანებული სოფელ ახალდაბის საშუალო წნევის გაზსადენზე დასრულებულ სამუშაოებს დაათვალიერებენ.

ენერგეტიკის სამინისტროს პრესსამსახურის ინფორმაციით, გაზსადენის ქსელის 2 კილომეტრიანი მონაკვეთის რეაბილიტაციას, კომპანიის 7 საავარიო ბრიგადა რამოდენიმე დღის განმავლობაში, 24-საათიან რეჟიმში ახორციელებდა.

დღეისათვის ახალდაბის ყველა აბონენტს ბუნებრივი აირი შეუზღუდავად მიეწოდება.