ბეთლემის ქუჩაზე ადგილობრივ მოსახლეობასა და "ძველი თბილისის ფონდის" წარმომადგენლებს შორის დაპირისპირება მოხდა. ადგილობრივები აპროტესტებენ "ძველი თბილისის ფონდის" მიერ სახლის მშენებლობის შედეგად გზის სავალი ნაწილის ჩანგრევას. ხოლო ფონდის წარმომადგენლები აცხადებენ, რომ მათ თბილისის მერიისგან ჰქონდათ შესაბამისი ნებართვა გზის სამი მეტრით გადმოწევის თაობაზე.

დაპირისპირების განმუხტვა პატრულის თანამშრომლებმა სცადეს, რომლებმაც აღნიშნეს, რომ თუ ვინმე კიდევ გააგრძელებდა გინებას და შეურაცხყოფას, მას დააკავებდნენ.

"ძველი თბილისის ფონდის" წარმომადგენლები ოფიციალურ კომენტარს არ აკეთებენ. ადგილობრივი მოსახლეობა კი ამბობს, რომ მშენებლობის გაგრძელების საშუალებას არ მისცემენ, ვინაიდან მათ ალტერნატიული გზა არ აქვთ.

ამ წუთებში ადგილზე მობილიზებული არიან საპატრულო პოლიციის, "ძველი თბილისის ფონდის" წარმომადგენლები და ადგილობრივი მოსახლეობა.

იხილეთ ვიდეო: "ბეთლემის ქუჩაზე გზა ჩაინგრა - მოსახლეობა სამშენებლო კომპანიის წარმომადგენლებს დაუპირისპირდა"