ცენტრალური საარჩევნო კომისიის განმარტებით, საარჩევნო აგიტაცია მხოლოდ კენჭისყრის შენობაში, საარჩევნო უბანზე იკრძალება.

როგორც ცესკოს სპიკერმა ანა მიქელაძემ ჟურნალისტებთან საუბრისას განმარტა, საარჩევნო უბნის მიღმა შესაძლებელია რომელიმე პარტიის წარმომადგენლები აგიტაციას აწარმოებდნენ.

"საარჩევნო უბნებს მიღმა რაც ხდება, ცენტრალურ საარჩევნო კომისიას და ზოგადად საარჩევნო ადმინისტრაციას არ შეეხება. მინდა ხაზი გავუსვა ერთ გარემოებას, კანონის მიხედვით, საარჩევნო აგიტაცია იკრძალება მხოლოდ კენჭისყრის შენობაში, ანუ საარჩევნო უბანზე. საარჩევნო უბნის მიღმა შესაძლებელია იმყოფებოდნენ რომელიმე პარტიის წარმომადგენლები და ამომრჩეველთან აწარმოებდნენ აგიტაციას, ეს კანონის დარღვევა არ არის", - განაცხადა ანა მიქელაძემ.

რაც შეეხება აქტივობას, ამის შესახებ ცესკო ინფორმაციას ცოტა ხანში გაავრცელებს.