მარტვილის N65 საოლქო კომისიის თავმჯდომარის ინფორმაციით, მარტვილში ამომრჩეველთა აქტივობა დაბალია. როგორც მარტვილის საოლქო საარჩევნო კომისიაში "ინტერპრესნიუსს" განუცხადეს, 12:00 საათის მონაცემებით, შუალედურ არჩევნებში 4 266-მა მოქალაქემ მიიღო მონაწილეობა, რაც 12,73 პროცენტია.

საოლქო საარჩევნო კომისიის თავმჯდომარის გრიგოლ ბართაიას თქმით, ეს მაჩვენებელი, სხვა არჩევნებთან შედარებით დაბალია.