ქობულეთის მუნიციპალიტეტის სოფელ ციხისძირში მიქელაძეების ათსულიან ოჯახს სახლი დაეწვა. როგორც "ინტერპრესნიუსის" კორესპონდენტი იუწყება, შემთხვევის შედეგად არავინ დაშავებულა, ხანძრის გამომწვევი მიზეზები კი ჯერ უცნობია. ხანძარი სახლის პირველ სართულზე გაჩნდა, შემდეგ კი მეორე სართულს მოედო. ორსართულიან კაპიტალურ შენობაში დაიწვა საყოფაცხოვრებო ნივთები და განადგურდა ტექნიკა.

ქობულეთის გამგებლის, სულხან ევგენიძის თქმით, ზარალს გამგეობა დაითვლის და ოჯახისთვის დახმარების გაწევის საკითხზე იმსჯელებს.

ადგილზე სახანძრო-სამაშველო სამსახურები მუშაობენ.