დღეს ”მაესტროს” პარტნიორთა მორიგი კრება გაიმართება. როგორც ”ინტერპრესნიუსს” ”მაესტროს” საკონტროლო პაკეტის მფლობელის, გია გაჩეჩილაძის ადვოკატმა, ირაკლი კორძახიამ განუცხადა, კრება 12:00 საათზე დაიწყება.
მისივე ინფორმაციით, კრებაზე იმსჯელებენ ”მაესტროს” შემდგომი განვითარების გეგმასა და არსებული სირთულეების გადაწყვეტაზე. ასევე დღის წესრიგშია დირექტორის საკითხიც.
როგორც ცნობილია ”მაესტროს” ახალი გენერალური დირექტორი ზურაბ ნაყეური იქნება. ახალი დირექტორი არხის საკონტროლო პაკეტის მფლობელმა გია გაჩეჩილაძემ ”მაესტროს” ჟურნალისტებს გუშინ წარუდგინა.