საქართველოს ტექნიკურ უნივერსიტეტთან სტუდენტების ორი აქცია მიმდინარეობს. ერთს მოშიმშილე ლექტორების მოწინააღმდეეგები მართავენ, მეორეს - მომხრეეები.

ტექნიკური უნივერსიტეტის სტუდენტები შევიკრიბეთ რათა გავემიჯნოთ მოშიმშილე რექტორებს, მაგრამ არა რეფორმებს, რადგან რეფორმები აუცილებელია, - ამის შესახებ საქართველოს ტექნიკური უნივერსიტეტის ადმინისტრაციული კორპუსის წინ გამართული აქციის მონაწილე, ტექნიკური უნივერსიტეტის სტუდენტმა მაკა გორდეზიანმა განაცხადა. მისივე თქმით, რეფორმების განხორციელება საჭიროა, მაგრამ არა ისე, რომ უნივერსიტეტს იერსახე დააკარგვინოს.

”პირველ რიგში შიმშილობა იმიტომ არის უსაფუძვლო, რომ რეფორმების განხორციელების წინააღმდეგი არც რექტორი არჩილ ფრანგიშვილია და არც ჩვენ, სტუდენტები”, - განაცხადა გორდეზიანმა.

ტექნიკური უნივერსიტეტის ადმინისტრაციული კორპუსის წინ კონტრაქციას სტუდენტების ის ნაწილიც მართავს, რომლებიც მოშიმშილე ლექტორებს ემხრობიან.

”ჩვენ ვართ თავისუფალი აზრის მქონე სტუდენტები, რომლებიც სოლიდარობას ვუცხადებთ მოშიმშილე ლექტორებს”, - განაცხადა კონტრაქციის მონაწილემ გიორგი ნაფეტვარიძემ.

მისივე თქმით, აქციის მონაწილეები, რომლებიც ლექტორების შიმშილობას აპროტესტებენ, სტუდენტური თვითმმართველობის წევრები არიან.