თბილისის იპოდრომზე, 23-25 სექტემბერს მსოფლიო თასის შესარჩევი ეტაპი გაიმართება, „ვითიბი ბანკის“ თასზე - VTB CUP.

როგორც „ინტერპრესნიუსს“ „ვითიბი ბანკიდან“ აცნობეს, შეჯიბრში წარმოდგენილი იქნება წინაღობათა გადალახვა, კონკური. ტურნირის გენერალური სპონსორია „ვითიბი ბანკი“, ორგანიზატორი - საქართველოს საცხენოსნო სპორტის ფედერაცია. ტურნირში მონაწილეობს ოცი მხედარი საქართველოდან და ირანიდან. მსაჯთა კოლეგიაში წარმოდგენილი იქნებიან მსაჯები საქართველოდან, რუსეთიდან, ლიტვიდან და თურქეთიდან. დასწრება თავისუფალია.