“ნაციონალური მოძრაობის“ საარჩევნო ბანერები შეღებეს. როგორც „ნაციონალური მოძრაობის“ ზუგდიდის საარჩევნო შტაბის უფროსმა თემურ ბასილაიამ განაცხადა, მე-9 საარჩევნო უბნის ტერიტორიაზე განთავსებული ორმხრივი ბანერი, სავარუდოდ, წუხელ გვიან ღამითაა დაზიანებული შავი საღებავით.

„ჩვენ უკვე მივმართეთ პოლიციას შესაბამისი რეაგირებისთვის, თუმცა მსგავსი ფაქტები 2014 წლის თვითმმართველობის არჩევნებზეც ხდებოდა და არც ერთი ფაქტი ხელისუფლებას არ გამოუძიებია. ისევ მსგავსი ბინძური მეთოდებით გვებრძვის მმართველი გუნდი“, - განაცხადა თემურ ბასილაიამ.