ბელგიის პოლიციამ, ჩატარებული რეიდების შედეგად, სირიიდან ქვეყანაში დაბრუნებული 11 „ბოევიკი“ დააკავა. ამის შესახებ „როიტერი“ იუწყება.

ქვეყნის პროკურატურის ინფორმაციით, პოლიციამ ბრიუსელის სხვადასხვა რაიონში ცხრა მისამართზე ჩხრეკა განახორციელა, რა დროსაც იარაღი არ აღმოჩნდა.

ეჭვმიტანილთა პატიმრობაში დატოვების შესახებ გადაწყვეტილებას სასამართლო მიიღებს.

სამართალდამცველებმა განაცხადეს, რომ აღნიშნული საქმე არ უკავშირდება პარიზის 2015 წლის ნოემბერსა და ბრიუსელის 2016 წლის მარტში განხორციელებულ ტერაქტებს.