საზოგადოებრივი მაუწყებლის ბორდის წევრის სულხან სალაძის განცხადებით, სამეურვეო საბჭოში წარმოდგენილი გეგმა მისთვის აბსოლუტურად მიუღებელია.
როგორც სულხან სალაძემ ჟურნალისტებს ბორდისა და არხის გენერალური დირექტორის ვასილ მაღლაფერიძის შეხვედრის დაწყებამდე განუცხადა, მისი მხარდაჭერა არსებული ფორმით წარმოდგენილ გეგმას არ ექნება.
„შესაბამისად, ველოდები ალტერნატიულ წინადადებებს. ველოდები გადამუშავებულ ვერსიებს და კითხვები, რომელიც პროცესში დაისმევა, იმედს ვიტოვებ, ხელს შეუწყობს ამ დოკუმენტის გაკეთილშობილებას“, - განაცხადა სულხან სალაძემ.
„საზოგადოებრივ მაუწყებელში“ ამ წუთებში ბორდისა და არხის გენერალური დირექტორის ვასილ მაღლაფერიძის შეხვედრა მიმდინარეობს.