ბათუმის მოვლენებთან დაკავშირებით ადმინისტრაციული სამართალდარღვევის ფაქტზე ბათუმის საქალაქო სასამართლოში სამი პირის მანუჩარ მამულაძის, ზაზა ბოლქვაძისა და გიორგი წოწორიას სასამართლო პროცესი გაიმართა. მათ ბრალი 166-ე, წვრილმანი ხულიგნობისა და 173-ე, პოლიციის კანონიერი მოთხოვნისადმი დაუმორჩილებლობის მუხლების საფუძველზე ედებათ.
მოსამართლე ინდირა მაშანეიშვილის გადაწყვეტილებით, მანუჩარ მამულაძეს აღკვეთი ღონისძიების სახით ჯარიმა 100 ლარი შეეფარდა, ხოლო ზაზა ბოლქვაძე და გიორგი წოწორია 250-250 ლარით დაჯარიმდნენ. ბრალდებულებმა დანაშაული აღიარეს.