საქართველოს წითელი ჯვრის საზოგადოება მიზნობრივი ფილიალებისათვის (საგარეჯო, ლაგოდეხი, ყვარელი, თელავი, ახმეტა) პროექტის „უსაფრთხო და სტაბილური თემების ჩამოყალიბება“ ფარგლებში დაბა ბაკურიანში სამუშაო შეხვედრას მართავს.
საქართველოს წითელი ჯვრის საზოგადოების ინფორმაციით, პროექტი ხორციელდება ავსტრიის წითელი ჯვრისა და ავსტრიის განვითარების კოოპერაციის მხარდაჭერით.
”შეხვედრა მიზნად ისახავს ინფორმაციის, გამოცდილებისა და კარგი მაგალითების გაზიარებას, ასევე განიხილება ფილიალებში არსებული პრობლემები და გამოწვევები, რომლებსაც ადგილობრივი მოხალისეები და თანამშრომლები ყოველდღიურად აწყდებიან და ერთობლივად მსჯელობენ მათი გადაჭრის გზებზე.
აღნიშნულ ინფორმაციაზე დაყრდნობით თითოეული ფილიალი შეიმუშავებს 2017 წლის სამოქმედო გეგმას რის მიხედვითაც განახორციელებენ პროექტის საქმიანობებს”, - ნათქვამია ინფორმაციაში.