საქართველოს წითელი ჯვრის საზოგადოება სამიზნე თემების (საგარეჯო, ახმეტა, ლაგოდეხი, ყვარელი და თელავი) სკოლებში სიმულაციურ ვარჯიშს ატარებს. როგორც ”ინტერპრესნიუსს” წითელი ჯვრის ორგანიზაციიდან აცნობეს, სიმულაციის მიზანია სკოლებში არსებული ევაკუაციის გეგმის ამოქმედება, რათა მოსწავლეებმა და მასწავლებლებმა საჭიროების შემთხვევაში შეძლონ სკოლის შენობის დაუყოვნებლივ და უსაფრთხოდ დატოვება.
მათივე ინფორმაციით, აღნიშნული სწავლება დაგეგმილია პროექტის „უსაფრთხო და სტაბილური თემების ჩამოყალიბება“ მეორე ფაზის ფარგლებში, რომელიც მხარდაჭერილია ავსტრიის განვითარების კოოპერაციისა და ავსტრიის წითელი ჯვრის მიერ.