გურამ რჩეულიშვილი - მამა მელოდება საავადმყოფოში, შვილი მელოდება სახლში, რომელიც არ მინახავს, დედა, დეიდა ციხეში არიან - ბევრი პრობლემა მაქვს მოსაგვარებელი
როგორ შეიძლება დედაჩემი და დეიდაჩემი ციხეში ისხდნენ და მე სადმე მივიმალო, - ამის შესახებ გურამ რჩეულიშვილმა გლდანის საპყრობილის დატოვების შემდეგ განუცხადა.
გურამ რჩეულიშვილის თქმით, ბრალდებაზე ასე ორ სიტყვაში ვერ ისაუბრებს და მთავარი პრიორიტეტი მისთვის ციხიდან დედის გათავისუფლებაა, რაც ავტომატურ კავშირშია დაზარალებულების დაკმაყოფილებასთან.
”მამა მელოდება საავადმყოფოში, შვილი მელოდება სახლში, რომელიც არ მინახავს, დედა, დეიდა ციხეში არიან და ძალიან ბევრი პრობლემა მაქვს მოსაგვარებელი. თავს უდანაშაულოდ ვთვლი, აქედან გამომდინარე მიმაჩნია, რომ მოსამართლის დღევანდელი გადაწყვეტილება მკაცრია”, - განაცხადა გურამ რჩეულიშვილმა.
რაც შეეხება მიმალვის საფრთხეს და აქედან გამომდინარე პასპორტის ჩამორთმევას, რჩეულიშვილი მიიჩნევს, რომ მისი მიმალვის საფრთხის არსებობა აბსურდია.
”როგორ შეიძლება დედაჩემი და დეიდაჩემი ციხეში ისხდნენ და მე სადმე მივიმალო”, - აღნიშნა რჩეულიშვილმა.
