საბერძნეთში გარდაცვლილი დიანა ბერიძის ნათესავები საქართველოდან სალონიკში წუხელ გაემგზავრნენ. როგორც „ინტერპრესნიუსის“ გარდაცვლილის მეზობელმა, ქობულეთში მცხოვრებმაჯემალ ლამპარაძემ განუცხადა, საბერძნეთში დიანა ბერიძის მამიდა, მამა და ძმა ჩავიდნენ. მისივე თქმით, დიანა ბერიძე საბერძნეთში რამდენიმე წელია ცხოვრობს.

ბერძნული მედიის ცნობით, რამდენიმედღიანი ძებნის შემდეგ 36 წლის ქართველი დიანა ბერიძე სალონიკის გარეუბანში გარდაცვლილი იპოვეს. მათივე ინფორმაციით, ის სავარაუდოდ, მოკლულია.

ბერძნული მედიის ინფორმაცით, აღნიშნულ საქმეში ბრალდებულია 38 წლის ბერძენი ექიმი, რომელიც სამართალდამცველებმა ათენში დააკავეს.