ბორჯომში, ცენტრალურ მოედანთან სანიაღვრე არხების მოწყობის სამუშაოები მიმდინარეობს. გამგებლის დიმიტრი ყიფიანის თქმით, პროექტის ფარგლებში ეწყობა სანიაღვრე არხები, გოფრირებული მილები და ცხაურები.

”ტერიტორია უხვი ნალექის დროს წყლით იტბორებოდა და ტრანსპორტისა და ქვეითად მოსიარულე მოქალაქეების უსაფრთხოდ გადაადგილებას უშლიდა ხელს. პროექტს ბორჯომის მუნიციპალიტეტის დაფინანსებით, წყალსადენისა და კანალიზაციის საექსპლუატაციო სამსახური ახორციელებს და მისი დასრულება უახლოეს დღეებში მოხდება”, - განაცხადა ყიფიანმა.