ნაძალადევის რაიონში გამწვანების სამუშაოები გრძელდება. როგორც ”ინტერპრესნიუსს” თბილისის მერიიდან აცნობეს, რაიონის გამგეობის დაკვეთით, 30 მისამართზე 400 ძირი პირამიდული კვიპაროსი დაირგო.

მათი ცნობით, სანზონაში, ლოტკინზე, თემქასა და ნაძალადევში თანაბრად გადანაწილდა 100-100 ნერგი. კერძოდ, თემქის მე-4 მ.რ-ში, წმ. ანდრია პირველწოდებულის ეკლესიის ეზოში 40 კვიპაროსი გამგებლის მოადგილეებმა გამგეობის თანამშრომლებთან ერთად დარგეს, ასევე 50-50 ნერგი დაირგო დიდი ჯიხაიშის პირველ შესახვევსა და კიშინოვის ქუჩაზე.

როგორც მერიაში განმარტავენ, კონტრაქტორი კომპანია დარგული ხეების მორწყვას, მოვლა-პატრონობას წლის ბოლომდე უზრუნველყოფს, ხოლო ხელშეკრულების თანახმად, ნერგის გახმობის შემთხვევაში, მომწოდებელი კომპანია მას ახლით ჩაანაცვლებს.