ქუთაისში მეორადი ტანსაცმლის მაღაზია გაძარცვეს. შემთხვევა დღეს დილით ჩეჩელაშვილის ქუჩაზე მოხდა. ადგილობრივების თქმით, მაღაზიიდან ტანსაცმელი და თანხაა წაღებული.

,,როგორც ვიცი წაღებულია მეორადი ტანსაცმელი და ნავაჭრი ფული, რაც მაღაზიაში ჰქონდა გამყიდველს დატოვებული. მეტი რა უნდა წაეღოთ ასეთი მაღაზიიდან”, - აცხადებენ ჩეჩელაშვილის ქუჩის მცხოვრებლები.

საქმესთან დაკავშირებით გამოძიება სისხლის სამართლის კოდექსის 177-ე მუხლით მიმდინარეობს.