ქუთაისის მერიის წინ, დღეს თავისუფლების ქუჩის მცხოვრებლებმა საპროტესტო აქცია გამართეს. მოსახლეობა დაზიანებულ გზებსა და ანტისანიტარიას აპროტესტებს. ადგილობრივებმა მერიის შენობასთან სპეციალური ტომრებით ქვისა და სამშენებლო მასალების ნარჩენები მიიტანეს.

„თუ კარგია, ამათ ისუნთქონ ეს მტვერი“,- განაცხადა „ინტერპრესნიუსთან“ საუბარში აქციის ერთ-ერთმა მონაწილემ ნოდარ მარუაშვილმა.

აქციის მონაწილეებს ადგილობრივი ხელისუფლებიდან ამ დრომდე არავინ გამოხმაურებია.