ამწეს მეშვეობით ვერტმფრენი მდინარე გუჯარულას ხეობიდან ამოიტანეს. არსებული ინფორმაციით, ვერტმფრენს დაახლოებით 22:00 საათიდან, მას შემდეგ რაც გზაზე საავტომობილო მოძრაობა შემცირდება, მისაბმელი საშუალებითა და სატვირთო ავტომობილით ავტობანამდე მიიტანენ და თბილისში გადაიტანენ.
ვერტმფრენის მდინარის ხეობიდან ამოყვანის სამუშაოები დღეს მთელი დღის განმავლობაში მიმდინარეობდა . სასაზღვრო პოლიციის ვერტმფრენი თავდაპირველად იმ აუზიდან ამოიტანეს, სადაც მან გუშინ ავარიული დაშვება მოახდინა. დღეს ვერტმფრენი ექსპერტ კრიმინალისტებმა, ასევე შს მინისტრმა და ინჟინრებმა დაათვალიერეს, რის შემდეგაც ის ტრანსპორტირებისთვის მოამზადეს.