ხულოს მუნიციპალიტეტში, შავნაბადას მთაზე, სადაც ხანძრის კერებია, ვერტმფრენით მდგომარეობის შესწავლა მიმდინარეობს. როგორც აჭარის ავტონომიური რესპუბლიკის მთავრობის თავმჯდომარის მრჩეველმა ბესიკ ლილუაშვილმა "ინტერპრესნიუსს" განუცხადა, დათვალიერების შემდეგ დასკვნა დაიდება და საჭიროების შემთხვევაში, ვერტფრენების ჩართვა მოხდება. ამ დროისათვის აღნიშნული ვერტმფრენით, სიტუაციის შესწავლასთან ერთად, მაშველ- მეხანძრეებისთვის სასმელი წყლისა და საკვების მიწოდება მოხდება.

"ვერტმფრენი ზემოდან მონიტორინგს ახორციელებს, უნდა დაათვალიეროს დაკვამლიანების კერები და შეფასდეს მდგომარეობა. პარალელურად, მეხანძრე- მაშველებს სასმელი წყლითა და საკვებით მოამარაგებს. მოპოვებული ინფორმაციით დაიდება დასკვნა. საჭირო იქნება თუ არა ცეცხლის ჩაქრობის პროცესში დიდი ვერტფრენების ჩართვა. ახლა მხოლოდ მონიტორინგი მიმდინარეობს",- აცხადებს ბესიკ ლილუაშვილი.