ხულოში, შავნაბადას მთაზე, სადაც რამდენიმე დღის განმავლობაში ხანძარი იყო, დღეს დაკვამლიანება ისევ შეინიშნება, - ამის შესახებ "ინტერპრესნიუსს" შინაგან საქმეთა სამინისტროს საგანგებო სიტუაციების მართვის სამსახურში განუცხადეს.

უწყების ცნობით, ხანძრის კერები არ არსებობს, თუმცა მონიტორინგის მიზნით ადგილზე 30-მდე მეხანძრე-მაშველი იმყოფება.

ხულოში ხანძარს რამდენიმე დღის განმავლობაში, მათ შორის ავიაციით ებრძოდნენ. საბოლოოდ, ხანძრის ლოკალიზება მოხერხდა.