მაფიოზური ორგანიზაციის ”საკრა კორონა უნიტა”-ს 50 წევრი დააკავეს
იტალიის სამხრეთში ქვეყნის ერთ-ერთი ყველაზე ძლიერი მაფიოზური ორგანიზაციის ”საკრა კორონა უნიტას" 50 წევრი დააკავეს. ამის შესახებ ”რია ნოვოსტი” წერს.
დაკავებულებს ბრალად ორგანიზებული დანაშაულებრივი დაჯგუფის წევრობა, მკვლელობებში, ნარკოტიკებისა და იარაღის შენახვა-ვაჭრობაში მონაწილეობა ედებათ.
ბრალდების ერთ-ერთი პუნქტი გახდა შურისძიება ”კორონას” ყოფილი წევრის შვილზე, რომელმაც პოლიციასთან ითანამშრომლა.
დეკემბერში დაწყებული გამოძიების ფარგლებში დაკავების ოპერაცია სამხრეთ-აღმოსავლეთის ოლქ აპულიას ბრინდიზის, ლეჩეს და ტარანტოს პროვინციებში ჩატარდა.
იტალიაში ოთხი ძირითადი მაფიოზური დაჯგუფება მოქმედებს. სიცილიაში - ”კოზა ნოსტრა”, კალაბრიაში - ”ნდრანგეტა”, ნეაპოლსა და მის შემოგარენში - ”კამორა”, აპულიაში კი - ”საკრა კორონა უნიტა”.
