„ნაციონალური მოძრაობა“ გიორგი მღებრიშვილის პარლამენტში მისვლას და მის მოსმენას კვლავ ითხოვს

პარლამენტის ფრაქცია „ნაციონალური მოძრაობა“ გიორგი მღებრიშვილის პარლამენტში მისვლას და მის მოსმენას კვლავ ითხოვს.

როგორც ფრაქციის წარმომადგენელმა სალომე სამადაშვილმა პარლამენტის ბიუროს სხდომაზე განაცხადა, ოპოზიციის მოთხოვნის მიუხედავად, მღებრიშვილი პარლამენტში არც ერთხელ არ გამოცხადდა და შინაგან საქმეთა მინისტრის თანამდებობას ისე ტოვებს, რომ პარლამენტს მისთვის არ მოუსმენია.

სალომე სამადაშვილის თქმით, მღებრიშვილი არანაკლებად მნიშვნელოვან უწყებას იბარებს, რომლის ფუნქციონირებასაც პარლამენტი ვერ აკონტროლებს.

მისივე განცხადებით, შს მინისტრის პოსტზე მღებრიშვილის საქმიანობასთან დაკავშირებით დაგროვდა ძალიან ბევრი კითხვა და ვიდრე ის ახალი უწყების ახალ თანამდებობაზე დაინიშნება, პარლამენტმა მასთან დაკავშირებულ კითხვებზე პასუხები უნდა მიიღოს.

მინისტრების პარლამენტში მოსმენის კუთხით არსებულ პრობლემაზე ყურადღება გაამახვილა უმცირესობის დეპუტატმა სერგი კაპანაძემაც. როგორც კაპანაძემ აღნიშნა, ორი მინისტრი, რომლის მოსმენასაც უმცირესობა ითხოვდა, პარლამენტში იმ მიზეზით ვეღარ მივა, რომ აქედან ერთი თბილისის მერი გახდა, ხოლო მეორე მინისტრის თანამდებობაზე აღარ არის.

კაპანაძემ ბიუროს სხდომის წამყვანს მიმართა, რომ დროულად გადაწყდეს პრობლემა, რომელიც დაბარების შემთხვევაში მინისტრების პარლამენტში მისვლას და მათ მოსმენას ეხება.

აღნიშნულთან დაკავშირებით ბიუროს სხდომის წამყვანმა თამარ ჩუგოშვილმა აღნიშნა, რომ საპარლამენტო ფრაქციაზე მინისტრის მისვლა არის სავალდებულო და იყო შემთხვევები, როცა რეგლამენტის ეს მოთხოვნა დაირღვა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს