სლოვაკეთის პოლიციამ ორი სატვირთო ავტომობილი გააჩერა, რომელშიც 78 მიგრანტი იმყოფებოდა. ამის შესახებ პოლიციის პრესსამსახური იუწყება.

სატვირთო ავტომობილები ქვეყნის ჩრდილო-დასავლეთში, ჩეხეთის საზღვრის მახლობლად, ქალაქ ჟილინაში გააჩერეს. სირიელი, ერაყელი და ირანელი მიგრანტები სლოვაკეთში რუმინეთიდან უნგრეთის გავლით მოხვდნენ, მათი დანიშნულების საბოლოო პუნქტი კი გერმანია იყო.

სატვირთო ავტომობილებს თურქეთის მოქალაქეები მართავდნენ. სლოვაკური მედიის ინფორმაციით, თითოეული მიგრანტისგან მძღოლებმა 500 ევრო მიიღეს.