სტრუქტურული ცვლილებების შემდეგ, სატყეო სააგენტო სოფლის მეურნეობის სამინისტროს დაექვემდებარება, თუმცა კვლავ სააგენტოს სტატუსს შეინარჩუნებს

მთავრობაში სტრუქტურული ცვლილებების შედეგად საქართველოს ეროვნული სატყეო სააგენტო სოფლის მეურნეობის სამინისტროს დაექვემდებარება.

როგორც ”ინტერპრესნიუსს” ეროვნული სატყეო სააგენტოს უფროსმა თორნიკე გვაზავამ განუცხადა, სტრუქტურული ცვლილებების შემდეგ, სააგენტო კვლავ შეინარჩუნებს სააგენტოს სტატუსს. მისივე ინფორმაციით, კვლავ გაგრძელდება დაგეგმილი პროექტების განხორციელება.

”ჩვენთან რეორგანიზაცია დაწყებულია. რეორგანიზაციის შემდეგ სატყეო სააგენტო ამ ეტაპზე რჩება როგორც სააგენტო და ის შეუერთდება სოფლის მეურნეობის სამინისტროს”, -განაცხადა თორნიკე გვაზავამ.

დაგეგმილი სტრუქტურული ცვლილებების შედეგად, 18 სამინისტროდან 14 უწყება დარჩება. 4 უწყება – ენერგეტიკის, გარემოს დაცვისა და ბუნებრივი რესურსების, სპორტისა და ახალგაზრდობის საქმეთა სამინისტროები, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი სხვა უწყებებს უერთდება.

ეკონომიკისა და მდგრადი განვითარების სამინისტროს უერთდება ენერგეტიკის სამინისტრო და გარემოს დაცვისა და ბუნებრივი რესურსების სამინისტროს ბუნებრივი რესურსების მართვის კომპონენტი; გარემოს დაცვის სამინისტროს დანარჩენი ნაწილი და სოფლის მეურნეობის სამინისტრო კი ერთიანდება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს