მოსაყდრის დასახელება საკმაოდ პიზიტიური და მისასალმებელია - პატრიარქმა მიიღო კეთილგონივრული გადაწყვეტილება, მან რეალობა შეაფასა სწორად და შესაბამისად იმოქმედა, - ამის შესახებ თეოლოგმა გიორგი ტიგინაშვილმა „პალიტრანიუსის“ გადაცემაში „360 გრადუსი“ განაცხადა.

მისი თქმით, მოსაყდრედ დასახელებული მიტროპოლიტის, შიო მუჯირის მიმართ რუსეთში მიღებულ განათლებაზე არსებობს კითხვები, თუმცა, „ეს არის ბუნებრივი მოცემულობა, ქართული სინამდვილისთვის დამახასიათებელია და აპრიორი, რომ რუსეთში განათლება გაქვს მიღებული, არ გამოდგება არგუმენტად, როგორც ემისარი, მოვიხსენოთ მეუფე შიოს პიროვნება“.

„ციანიდის გახმაურებული სკანდალის შემდეგ საკმაოდ მძიმე დარტყმები მიადგა ეკლესიას. უშუალოდ პატრიარქის პიროვნებას ფსიქოლოგიურად, ფიზიკურად გარკვეული სახის მორალური უხერხულობა შეექმნა და აქედან გამომდინარე, მან გადაწყვიტა, რომ ის არამართლზომიერი მოცემულობა, რომელიც არსებობს საქართველოს სამოციქულო ეკლესიაში, ის გამოწვევები, ქარტეხილები და წინააღმდეგობები უფრო ახალგაზრდული ენთუზიაზმით, შემართებით იყოს დაძლეული.

მეუფე შიოს პიროვნებიდან გამომდინარე, შეიძლება ითქვას, რომ არის კომპრომისული ვარიანტი, გამომდინარე იქიდან, რომ ის საკმაოდ დაბალანსებული ადამიანია. მას აქვს ჯანსაღი ხედვებიც, გამოცდილებაც - საინტერესოა მისი რეპუტაცია, დოსიე და ბიოგრაფია, სადაც მხოლოდ ზნეობრივი სიმწიფე და სიჯანსაღე იკითხება“, - განაცხადა გიორგი ტიგინაშვილმა.