იყო მცდელობა, რომ ჩემთვის წაეკითხათ შუამდგომლობა, ვთქვი, რომ ამ სისულელეს ხელს არ მოვაწერდი, - ამის შესახებ საქართველოს ექს-პრეზიდენტმა მიხეილ სააკაშვილმა სასამართლო პროცესზე განაცხადა.
„პირველ რიგში, გუშინ იყო იმის მცდელობა, რომ წაეკითხათ ჩემთვის აღნიშნული შუამდგომლობა, თუმცა უარი ვთქვი ხელმოწერაზე. მათ დაიწყეს რაღაცის კითხვა ჩემთვის და ვთქვი, რომ ამ სისულელეს ხელს არ მოვაწერდი და გავაგრძელე შიმშილი“, - განაცხადა სააკაშვილმა.
საქართველოს ყოფილი პრეზიდენტის პროცესი კიევის პეჩერსკის რაიონულ სასამართლოში ამ წუთებში მიმდინარეობს. პროცესის განმავლობაში მიხეილ სააკაშვილი განსასჯელის საკანში არ იქნება. ის საკნიდან გამოიყვანეს და მისი ადვოკატების გვერდით მოათავსეს.