გიგო გაბაშვილის ნამუშევრების გამოფენა გაიხსნება

შალვა ამირანაშვილის სახელობის ხელოვნების მუზეუმში, დღეს, გიგო გაბაშვილის ნამუშევრების საიუბილეო-რეტროსპექტული გამოფენა გაიხსნება.

როგორც „ინტერპრესნიუსს“ ეროვნული მუზეუმიდან აცნობეს, გამოფენაზე წარმოდგენილი იქნება მხატვრის ჟანრობრივად მრავალფეროვანი ფერწერული და გრაფიკული ნამუშევრები, მისი ფოტონამუშევრების ელექტრონული ვერსიები და ხელნაწერები. ექსპოზიციაზე ასევე იხილავთ მხატვრის სამუშაო ოთახის რეკონსტრუქციას მისი ავეჯითა და პირადი ნივთებით. ექსპონატთა ნაწილი პირველად იქნება გამოფენილი ფართო საზოგადოების წინაშე.

მათივე ინფორმაციით, გიგო გაბაშვილის შემოქმედება, მისი სწრაფვა რეალისტური ხელოვნებისკენ, თავისი მასშტაბითა და ბუნებით ერთგვარად მოულოდნელადაც კი გამოიყურება იმ პერიოდის ქართული მხატვრობის ფონზე. დიდი შემოქმედებითი დიაპაზონის მხატვრის ფერწერა თემატური მრავალფეროვნებით ხასიათდება: ბატალური ჟანრი, პორტრეტი, პორტრეტი-ტიპი, ქალაქის სცენები, პეიზაჟი და ნატურმორტი. მნიშვნელოვანია გიგო გაბაშვილის მიერ გრაფიკის ტექნიკით შესრულებული სურათების სერიები. ეს სურათები ფანტაზიებითა და ალეგორიებით, რელიგიურ-მითოლოგიური თემატიკით, ცოტაც ეროტიკული ზმანებებითაა გამსჭვალული, რითაც მხატვრის ისედაც მრავალფეროვანი შემოქმედება სრულიად განსხვავებული რაკურსით წარმოჩნდება.

მხატვრის მდიდარი შემოქმედებითი მემკვიდრეობის უმეტესი ნაწილი, მისი ანდერძის თანახმად, მუზეუმს გადაეცა. გარკვეული ნაწილი კი საქართველოსა და უცხოეთის კერძო კოლექციებშია დაცული.

გამოფენა 14 მარტამდე გაგრძელდება.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა