სემეკი წყალმომარაგების კომპანიების საინვესტიციო გეგმებს განიხილავს

სემეკი დღევანდელ საჯარო სხდომაზე წყალმომარაგების კომპანიების საინვესტიციო გეგმებს განიხილავს. როგორც „ინტერპრესნიუსს“ სემეკიდან აცნობეს, სხდომაზე საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ) იმსჯელებს წყალმომარაგების სექტორში მოქმედი კომპანიების შპს „ჯორჯიან უოთერ ენდ ფაუერის“, შპს „მცხეთის წყალის“, შპს „რუსთავის წყალის“ 2018-2020 წლების საინვესტიციო გეგმებზე. ამავე სხდომაზე კომისია განიხილავს „ჟინვალჰესის“ 2017-2019 წლების საინვესტიციო გეგმებს.

ამასთან, გაგრძელდება მსჯელობა სს „ენერგო პრო ჯორჯიას“ მიერ 2018-2020 წლების საინვესტიციო გეგმების კომისიასთან შეთანხმების შესახებ.

როგორც სემეკ-ში აცხადებენ, სხდომა 11:00 საათზე დაიწყება. სხდომა საჯაროა და დასწრება ნებისმიერ დაინტერესებულ პირს შეუძლია.