„ქორთიარდ მარიოტში“ იურიდიული დახმარების მიმწოდებელთა ქსელისა და ვებპორტალის წარდგენა გაიმართება

სასტუმროში „ქორთიარდ მარიოტი“, დღეს იურიდიული დახმარების მიმწოდებელთა ქსელისა და ვებპორტალის წარდგენა გაიმართება.

როგორც „ინტერპრესნიუსს“ UNDP-დან აცნობეს, ღონისძიებას იურიდიული დახმარების სამსახურის, იურიდიული დახმარების მიმწოდებელი ორგანიზაციების, სასამართლოს, საქართველოს ადვოკატთა ასოციაციის, საერთაშორისო ორგანიზაციებისა და არასამთავრობო სექტორის წარმომადგენლები დაესწრებიან.

ღონისძიების მონაწილეებს იურიდიული დახმარების სამსახურის დირექტორი მელიტონ ბენიძე, საქართველოში გაეროს განვითარების პროგრამის (UNDP) პროგრამული მიმართულების ხელმძღვანელი ნათია ნაცვლიშვილი და საქართველოში ევროკავშირის წარმომადგენლობის მართლმსაჯულების პროგრამების მენეჯერი პიტერ დენისი მიმართავენ.

„იურიდიული დახმარების ქსელი და ვებპორტალი ევროკავშირისა (EU) და გაეროს განვითარების პროგრამის (UNDP) ერთობლივი პროექტის „ხელმისაწვდომი მართლმსაჯულება და ბავშვზე მორგებული მართლმსაჯულების სისტემის განვითარება საქართველოში“ ფარგლებში შეიქმნა“, - ნათქვამია ინფორმაციაში.