იური ლუცენკო - მიხეილ სააკაშვილს არა კურჩენკოს ფულით სახელმწიფო გადატრიალების ორგანიზებაში, არამედ ამის ხელშეწყობაში ვადანაშაულებთ

უკრაინის გენერალური პროკურატურა მიხეილ სააკაშვილს არა კურჩენკოს ფულით სახელმწიფო გადატრიალების ორგანიზებაში, არამედ ამის ხელშეწყობაში ადანაშაულებს. ამის შესახებ ტელეარხ ZIK-ის ეთერში გენერალურმა პროკურორმა იური ლუცენკომ განაცხადა.

„ჩვენ მიხეილ სააკაშვილს ეჭვმიტანილად არ მივიჩნევთ. ჩვენ მისი ნდობით აღჭურვილ პირს, სევერიონ დანგაძეს გადატრიალების მცდელობაში და ამ მცდელობის დაფინანსებაში ვადანაშაულებთ. თვითონ სააკაშვილის მიმართ ბრალდება მხოლოდ კურჩენკო-იანუკოვიჩის დანაშაულებრივი დაჯგუფების წევრების ხელშეწყობას ეხება“, - განმარტა ლუცენკომ.

მისი თქმით, მიხეილ სააკაშვილი უკრაინის უშიშროების სამსახურის წევრებმა იმიტომ დააკავეს, რომ გამოძიებას სწორედ ისინი ატარებენ.

„გამოძიებას ამ საქმეზე უკრაინის უშიშროების სამსახური ატარებს. ამიტომ მათმა გამომძიებლებმა მისი დაკავება გადაწყვიტეს. ფაქტობრივად, მან გამოძიებასთან თანამშრომლობაზე უარი თქვა და ავტომობილიდან გაიქცა. ამის შემდეგ ის სხვადასხვა ადგილას იმალებოდა და ძებნაში გამოცხადების შემდეგ ეროვნული პოლიციის თანამშრომლებმა დააკავეს“, - დასძინა ლუცენკომ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს