ვაკეში დაჭრილი მამაკაცი საავადმყოფოში რჩება
ვაკეში დაჭრილი მამაკაცის ჯანმრთელობის მდგომარეობა სტაბილურია, - ამის შესახებ ”ინტერპრესნიუსს” რესპუბლიკურ საავადმყოფოში განუცხადეს.
როგორც რესპუბლიკურ საავადმყოფოში აცხადებენ, დაჭრილი მამაკაცი პალატაშია გადაყვანილი და მის სიცოცხლეს საფრთხე არ ემუქრება.
მათივე თქმით, პაციენტს ოპერაციის შემდეგ საჭირო მკურნალობა უტარდება.
ვაკეში, გუშინ 40 წლამდე მამაკაცი ცეცხლსასროლი იარაღით დაჭრეს. შემთხვევას წინ დაპირისპირება უძღოდა.
