ქეთევან ციხელაშვილი - პირადად ერთი მოადგილე მყავს და სხვა მინისტრები ფუნქციებიდან გამომდინარე თავად განსაზღვრავენ მოადგილეების რაოდენობას
მე პირადად ერთი მოადგილე მყავს და სხვა სამინისტროები თავიანთი მასშტაბებიდან და ფუნქციებიდან გამომდინარე განსაზღვრავენ მოადგილეების რაოდენობას, - ასე უპასუხა შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა 19 სამინისტროში მინისტრების 88 მოადგილის შესახებ დასმულ შეკითხვას.
მედიის წარმომადგენლები ციხელაშვილისგან დაინტერესდნენ, არის თუ არა ამდენი მოადგილე საჭირო, მითუმეტეს იმ ფონზე, როცა მათი სახელფასო ანაზღაურება საკმაოდ მაღალია.
“მე პირადად მყავს ერთი მოადგილე, სხვა სამინისტროები თავიანთი მასშტაბებიდან და ფუნქციებიდან გამომდინარე განსაზღვრავენ მოადგილეების საჭიროებას და რაოდენობას. ზოგადად, მთავრობის მიდგომა და კურსი გახლავთ და მთავრობის უახლესი ცვლილებების პროექტიც ამას უკავშირდება, რომ აღმასრულებელი ხელისუფლება გახდეს უფრო ეფექტური, უფრო მოქნილი, უფრო მცირე, სტრუქტურულად უფრო მორგებული საჭიროებებზე“, - განაცხადა ციხელაშვილმა.
