საკრებულოში თბილისის 2018 წლის ბიუჯეტის პროექტის კულტურულ და გარემოსდაცვით პრიორიტეტებზე იმსჯელეს

თბილისის საკრებულოში განათლებისა და კულტურის, ასევე გარემოს დაცვის კომისიების გაერთიანებული სხდომა გაიმართა, რომელზეც დედაქალაქის 2018 წლის ბიუჯეტის პროექტზე იმსჯელეს.

საკრებულოს ინფორმაციით, განათლებისა და კულტურის კომისიის თავმჯდომარემ, თამარ ტალიაშვილმა კულტურისა და განათლების მიმართულებით 2018 წლის ბიუჯეტის პრიორიტეტებზე ისაუბრა და აღნიშნა, რომ ბიუჯეტში წარმოდგენილია პროგრამა „შემოქმედებითი თბილისი“, რომელიც თბილისის რეგიონის კულტურულ ცენტრად ქცევას გულისხმობს.

ბიუჯეტის პროექტი საკრებულოს წევრებს თბილისის მერიის საფინანსო საქალაქო სამსახურის უფროსმა გაიოზ თალაკვაძემ წარუდგინა.

მისი თქმით, ბიუჯეტის პროექტში პრიორიტეტულია სკოლამდელი აღზრდის დაწესებულებების ხელშეწყობა, სპორტული დაწესებულებების მატერიალურ-ტექნიკური ბაზის გაუმჯობესება, ეკოლოგიური მიმართულებით კი მომავალი წლის ბიუჯეტში სხვადასხვა ინფრასტრუქტურული პროექტებია გათვალისწინებული, მათ შორის სარწყავი სისტემების მოწყობა-რეაბილიტაცია, ახალი სკვერების გაშენება და საბავშვო ატრაქციონების შესყიდვა. ამასთანავე, დაგეგმილია თბილისის მყარი საყოფაცხოვრებო ნარჩენების პოლიგონზე მე-3 უჯრედის მშენებლობისთვის 6 მლნ ლარის და საყოფაცხოვრებო ნარჩენების მართვის პოლიგონის წყალგამწმენდი დანადგარის შესაძენად 2 მლნ ლარის დახარჯვა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში