საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) დღეს გამართულ სხდომაზე სს „ენერგო -პრო ჯორჯიას“ და ჰიდროელექტროსადგურ „ჟინვალჰესის“ საინვესტიციო გეგმები შეითანხმა.
როგორც ”ინტერპრესნიუსს” უწყებიდან აცნობეს, შეთანხმების შესაბამისად, სს ”ენერგო პრო ჯორჯიას“ 2017-2020 წლების საინვესტიციო მოცულობა შეადგენს 278 405 491 ლარს, ხოლო ჰიდროელექტროსადგურ „ჟინვალჰესის“ 2017-2019 წლების საინვესტიციო მოცულობები - 16 317 066 ლარს.
მათი ცნობით, 18 დეკემბრის საჯარო სხდომაზე გაგრძელდება წყალმომარაგების სექტორში მოქმედი კომპანიების - შპს „ჯორჯიან უოთერ ენდ ფაუერის“, შპს „რუსთავის წყალის“, შპს „მცხეთის წყალის“ 2017-2020 წლების საინვესტიციო გეგმებზე მსჯელობა.