დედაქალაქის მთავარი საახალწლო ნაძვის ხე ხვალ აინთება

დედაქალაქის მთავარი საახალწლო ნაძვის ხე ხვალ, 20:00 საათზე აინთება. საზეიმო ღონისძიებას თბილისის მერი კახა კალაძე ოჯახთან ერთად დაესწრება. რაც შეეხება 31 დეკემბერს გასამართ გალა კონცერტებს, როგორც თბილისის მერიის კულტურის საქალაქო სამსახურის უფროსმა სოფიო ხუნწარიამ ჟურნალისტებს რამდენიმე დღის წინ განუცხადა, ის თბილისში სამ ლოკაციაზე, გლდანში, ვარკეთილსა და ძველ თბილისში გაიმართება. კონცერტები 23:00 საათზე დაიწყება.

აღსანიშნავია ასევე, რომ დედა ენის ბაღში საახალწლო ქალაქი მოეწყობა, სადაც ღონისძიებები 24 დეკემბრიდან დაიწყება და 7 იანვრამდე გასტანს.

დედაენის ბაღში იქნება ასევე საციგურაო მოედანი, რომელიც მსურველებს უფასოდ მოემსახურება.