საფრანგეთში მატარებელთან შეჯახების შედეგად სასკოლო ავტობუსი ორად გაიყო, დაიღუპნენ და დაშავდნენ ბავშვები

საფრანგეთის ქალაქ პერპინიანში მატარებლისა და სასკოლო ავტობუსის შეჯახებას მსხვერპლი მოჰყვა. დაღუპულთა შორის ბავშვები არიან.

ქვეყნის შინაგან საქმეთა სამინისტროს ინფორმაციით, ოთხი მოზარდის ცხედრის იდენტიფიკაცია და 10-ზე მეტი დაშავებული მოსწავლის ვინაობის დადგენა ვერ ხერხდება.

უბედური შემთხვევა იმ დროს მოხდა, როდესაც სკოლის ავტობუსი რელსებზე გადადიოდა. მატარებლის შეჯახების შედეგად, ავტობუსი ორ ნაწილად გაიყო.

ადგილზე მობილიზებული იყო პოლიციისა და სასწრაფო დახმარების ჯგუფები. გამოძიება ქუჩაში დამონტაჟებული კამერებიდან ამოღებულ კადრებს სწავლობს.

დაღუპულთა ოჯახებს სამძიმარი გამოუცხადა პრემიერმა ედუარდო ფილიპემ.

„ვწუხვარ მომხდარის გამო და თანავუგრძნობ დაღუპულთა ოჯახებს. დიდი ტრაგედია მოხდა. ექიმები ძალ-ღონეს არ იშურებენ ბავშვების გადასარჩენად. ზოგიერთის მდგომარეობა მძიმეა“, - განაცხადა პრემიერ-მინისტრმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა