სარა სანდერსი - ტრამპმა პუტინს აშშ-ს ეკონომიკური მიღწევების აღიარებისთვის მადლობა გადაუხადა

აშშ-ს პრეზიდენტმა დონალდ ტრამპმა რუსეთის პრეზიდენტ ვლადიმერ პუტინს აშშ-ს ეკონომიკური მიღწევების აღიარებისთვის მადლობა გადაუხადა. ამის შესახებ ტრამპის პრესმდივანმა სარა სანდერსმა განაცხადა.

„პრეზიდენტ ტრამპმა პრეზიდენტ პუტინს ყოველწლიური პრესკონფერენციის ფარგლებში ამერიკის მყარი ეკონომიკური მაჩვენებლების აღიარებისთვის მადლობა გადაუხადა“, - განაცხადა სანდერსმა.

გუშინ საღამოს ორი ქვეყნის ლიდერებმა სატელეფონო საუბარი გამართეს, რომლის დროსაც ორმხრივი ურთიერთობები და კრიზისულ წერტილებში სიტუაცია განიხილეს. განსაკუთრებული ყურადღება კორეის ნახევარკუნძულს დაეთმო.