სავაჭრო-სამრეწველო პალატა - ბრიუსელში აფხაზეთის ე.წ.სავაჭრო-სამრეწველო პალატის "წარმომადგენლობის" გახსნა არალეგიტიმურია

აფხაზეთის ე.წ. სავაჭრო-სამრეწველო პალატის მიერ გავრცელებულ განცხადებას ბრიუსელში „წარმომადგენლობის“ გახსნის შესახებ საქართველოს სავაჭრო-სამრეწველო პალატა ეხმაურება.

როგორც „ინტერპრესნიუსს“ უწყებიდან აცნობეს, ე.წ. სავაჭრო-სამრეწველო პალატის ბრიუსელში წარმომადგენლობის გახსნა არალეგიტიმურია.

„ხაზგასმით აღვნიშნავთ, რომ ოფიციალური ბრიუსელი მხარს უჭერს საქართველოს ტერიტორიულ მთლიანობას საერთაშორისო თანამეგობრობისა და საერთაშორისო ორგანიზაციების მიერ აღიარებულ საზღვრებში. შესაბამისად, არაღიარებული ე.წ. რესპუბლიკის მხრიდან ბრიუსელში წარმომადგენლობის გახსნა არალეგიტიმურია და არ შეიძლება ჰქონდეს ოფიციალური სახე.

მსგავსი ინფორმაცია დე ფაქტო რესპუბლიკის წარმომადგენლებმა უკვე გაავრცელეს გერმანიის ფედერაციულ რესპუბლიკასთან მიმართებაში. განცხადებაში ასახული ფაქტები არ შეესაბამებოდა სიმართლეს.

საქართველოს სავაჭრო-სამრეწველო პალატა მჭიდროდ თანამშრომლობს ევროპალატასა და ბელგიის სავაჭრო-სამრეწველო პალატებთან. მათთან კომუნიკაციით ვამოწმებთ არაღიარებული რესპუბლიკის წარმომადგენლების მიერ გავრცელებულ ინფორმაციას და თანამშრომლობის ფარგლებში განვაგრძობთ მსგავსი ფაქტების პრევენციაზე მუშაობას. ასევე მოვითხოვთ საერთაშორისო პარტნიორებისგან, კიდევ ერთხელ მოუწოდონ წევრ კომპანიებს სიფრთხილისკენ, რათა არ მოხდეს მსგავსი არალეგიტიმური ქმედებების ხელშეწყობა“, - ნათქვამია სავაჭრო-სამრეწველო პალატის განცხადებში.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა