საქმიანი ტურიზმის სტრატეგიაზე მუშაობა სრულდება

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია საქმიანი ტურიზმის სტრატეგიაზე მუშაობას ასრულებს.

როოგორც „ინტერპრესნიუსს“ ტურიზმის ადმინისტრაციიდან აცნობეს, საქართველოში საქმიანი ტურიზმის სფეროში არსებული მდგომარეობის და სტრატეგიის შემუშავებასთან დაკავშირებით ავსტრიელი ექსპერტები ტურიზმის ეროვნულ ადმინისტრაციას სტრატეგიის შემუშავებაში კონსულტაციას უწევენ. პროექტი საერთაშორისო ორგანიზაცია GIZ-ის დაფინანსებით ტარდება. საერთაშორისო კომპანია ENITED-ის წარმომადგენლებმა ტურიზმის ეროვნული ადმინისტრაციის საკონვენციო და საგამოფენო ბიუროს წარმომადგენლებთან და წევრ კომპანიებთან მორიგი სამუშაო შეხვედრა გამართეს. საქმიანი ტურიზმის სტრატეგი დეკემბრის ბოლოს მზად იქნება.

„სრულდება სტრატეგიაზე მუშაობა, რომელიც განსაზღვრავს ჩვენს ქვეყანაში საქმიანი ტურიზმის მიმართულებას და ეს სფერო ერთ-ერთი მთავარი პრიორიტეტია, რადგან მაღალშემოსავლიანი ტურისტების შემოსვლით ხასიათდება“, - განაცხადა ტურიზმის ადმინისტრაციის ხელმძღვანელმა გიორგი ჩოგოვაძემ.

პროექტის მნიშვნელობაზე საუბრობს კომპანია ENITED-ის მფლობელი და მმართველი დირექტორი ივო ფრანჩიზიც.

„მოხარული ვარ, რომ საქართველოში კვლავ დავბრუნდი. ჩვენი ჯგუფისთვის პირველი ვიზიტი ძალიან საინტერესო იყო. გავეცანით საქართველოს პოტენციალს საერთაშორისო საქმიანი ღონისძიებების ჩატარების კუთხით და ვფიქრობ, საქართველოს დიდი პერსპექტივა აქვს ამ მიმართულებით. ჩვენ ვატარებთ კვლევებს და რეკომენდაციას ვუწევთ ტურიზმის ეროვნულ ადმინისტრაციას, თუ როგორ განავითაროს საქმიანი ტურიზმის მიმართულება“, - აღნიშნა ივო ფრანჩიზმა.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა