გოკა გაბაშვილი - გადარჩა გერმანია, თუმცა პრეზიდენტის წყალობით სემეკი ვერ გადაურჩა დავით ნარმანიას

გადარჩა გერმანია, თუმცა პრეზიდენტის წყალობით სემეკი ვერ გადაურჩა დავით ნარმანიას, - ამის შესახებ ფრაქცია „ევროპული საქართველოს“ თავმჯდომარე გოკა გაბაშვილმა ჟურნალისტებს დღეს, თბილისის საკრებულოში განუცხადა, რომელმაც კომენტარი გააკეთა საქართველოს პრეზიდენტის მიერ თბილისის ყოფილი მერის, დავით ნარმანიას სემეკის წევრად წარდგენასთან დაკავშირებით.

გოკა გაბაშვილი გიორგი მარგველაშვილის ამ გადაწყვეტილებას „უცნაურს“ უწოდებს და მიიჩნევს, რომ დავით ნარმანია სემეკის წევრად დანიშვნის შემთხვევაში უდრტვინველად შეასრულებს პოლიტიკურ დავალებებს.

„პირველ რიგში, მიხარია, რომ გერმანია გადარჩა ნარმანიას. ეს ქვეყანა ძალიან მიყვარს. იყო საუბარი, რომ იქ უნდა წასულიყო ელჩად. ვულოცავ გერმანელ ხალხს ამ გადარჩენას, მაგრამ პრეზიდენტის წყალობით, სამწუხაროდ, სემეკი ვერ გადარჩა. ვერ გადარჩა ადამიანს, რომელიც არის უნიათობის, არაფრისკეთების, ყველაფრის „გაპრავების“ და ჩავარდნების სიმბოლო. ნამდვილად უცნაური გადაწყვეტილებაა ეს მარგველაშვილისაგან. ნარმანია, რა თქმა უნდა, წავა იმისათვის, რომ რასაც ეტყვიან, უდრტვინველად და ნამუსის შეწუხების გარეშე გააკეთოს“, - განაცხადა გოკა გაბაშვილმა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ