გოჩა შონია კომისიის ყოფილი წევრია და მასთან ჩვენ გვაქვს თანამშრომლობის დიდი გამოცდილება. დავით ნარმანიასთან არ მქონია შეხება, საქმიანი ურთიერთობა და იმედი მაქვს, რომ ეს იქნება ძალიან ნაყოფიერი თანამშრომლობა, - ამის შესახებ სემეკის თავმჯდომარემ ირინა მილორავამ სემეკის წევრის თანამდებობაზე დავით ნარმანიასა და გოჩა შონიას კანდიდატურების წარდგენის საკითხზე კომენტირებისას აღნიშნა.
"პრეზიდენტმა წარადგინა სემეკის წევრობის ორი კანდიდატურა. ეს იქნება პირველი შემთხვევა, როდესაც 2013 წლის სექტემბერის შემდეგ ჩვენ ვიქნებით სრული შემადგენლობით და ბუნებრივია, ეს არის ძალიან კარგი ფაქტი კომისიის საქმიანობისთვის. რაც შეეხება კანდიდატურებს, გოჩა შონია კომისიის ყოფილი წევრია და მასთან ჩვენ გვაქვს თანამშრომლობის დიდი გამოცდილება. რაც შეეხება ბატონ დავით ნარმანიას, არ მქონია მე მასთან შეხება, საქმიანი ურთიერთობა და იმედი მაქვს, რომ ეს იქნება ძალიან ნაყოფიერი თანამშრომლობა", - განაცხადა მილორავამ.