სანქტ-პეტერბურგში ტერაქტის მომზადების ბრალდებით ტერორისტული დაჯგუფების 7 წევრი დააკავეს. ამის შესახებ რუსეთის უშიშროების ფედერალური ბიუროს საზოგადოებრივი კავშირების ცენტრი იუწყება.
„ჩატარებული ოპერატიულ-სამძებრო ღონისძიებების შედეგად უშიშროების ფედერალურმა ბიურომ სანქტ-პეტერბურგში გამოავლინა და აღკვეთა „ისლამური სახელმწიფოს“ მხარდამჭერთა დაჯგუფების კანონსაწინააღმდეგო მოქმედება. დაჯგუფების მართვა საზღვარგარეთიდან ინტერნეტ-მესენჯერის Telegram-ის საშუალებით ხორციელდებოდა“, - განაცხადეს უშიშროების ფედერალურ ბიუროში.
უწყების ინფორმაციით, დაკავებული პირები 16 დეკემბერს თვითმკვლელი ტერორისტის მონაწილეობით ერთ-ერთ საკულტო დაწესებულებაში ტერორისტული აქტის მოწყობას გეგმავდნენ.