„ლეოგრანდში“ ხანძრის გაჩენის საქმეზე სასტუმროს მფლობელი დაიკითხა

სასტუმრო „ლეოგრანდეში“ ხანძრის გაჩენის გამომწვევი მიზეზების დასადგენად მიმდინარე გამოძიების ფარგლებში, სასტუმროს მფლობელი ეროლ ავგორენი დაიკითხა. როგორც „ინტერპრესნიუსს“ სასტუმროს ადვოკატმა კახა წერეთელმა განუცხადა, ეროლ ავგორენი გამომძიებლებმა რამდენიმე დღის წინ გამოკითხეს. მისივე ინფორმაციით, გამოძიებას ამ ეტაპზე უკვე გამოკითხული ჰყავს რამდენიმე ათეული მოწმე, მათ შორის სასტუმროს ის თანამშრომლები, რომლებიც შემთხვევის დღეს მუშაობდნენ.

„სასტუმროს ათეულობით თანამშრომელი დაიკითხა. დაიკითხნენ, როგორც ხანძრის დღეს მომუშავე ადამიანები, ასევე ის ადამიანები, ვინც ამ თემებზე მუშაობდა. დაკითხეს ასევე მფლობელი. ამ ეტაპზე ყოველდღიურ რეჟიმში თანამშრომლების დაბარება აღარ ხდება“, - განაცხადა წერეთელმა.

რაც შეეხება ვინმეს პასუხისმგებლობის საკითხს, ადვოკატს არ აქვს ინფორმაცია, იკვეთება თუ არა ვინმეს პასუხისმგებლობის საკითხი ხანძრის გაჩენის გამო მომხდარ ტრაგედიასთან დაკავშირებით.

ბათუმში, სასტუმრო "ლეოგრანდში" ხანძარი 24 ნოემბერს გაჩნდა. ძლიერი დაკვამლიანების გამო სასტუმროდან ათეულობით მოქალაქის ევაკუაცია განხორციელდა.

ხაძრის შედეგად 11 ადამიანი დაიღუპა, რომელთაგან საქართველოს 10 და ირანის 1 მოქალაქეა, ჰოსპიტალიზებული იყო 21 ადამიანი.

მომხდარ ფაქტთან დაკავშირებით, გამოძიება საქართველოს სსკ-ს 243-ე მუხლის მე-3 ნაწილით მიმდინარეობს, რაც სახანძრო უსაფრთხოების წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა ან სხვა მძიმე შედეგი გამოიწვია.

იხილეთ ვიდეო: ""ლეოგრანდში" ხანძრის გაჩენის საქმეზე სასტუმროს მფლობელი დაიკითხა"

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს