იერუსალიმში ისრაელის პოლიციასა და პალესტინელ აქტივისტებს შორის შეტაკებები მიმდინარეობს

იერუსალიმში ისრაელის პოლიციასა და პალესტინელ აქტივისტებს შორის შეტაკებები მიმდინარეობს. ამის შესახებ „რია ნოვოსტი“ წერს.

დღეს პალესტინელთა ჯგუფმა დამასკოს კარიბჭესთან მდებარე მოედანზე აქცია გამართა. ისინი ანტიისრაელურ ლოზუნგებს სკანდირებდნენ და პოლიციელებთან ჩხუბობდნენ.

პოლიციელებმა მათი მოედნიდან განდევნა მოახერხეს და დამასკოს კარიბჭის გასასვლელი გადაკეტეს, მაგრამ მომიტინგეებმა ჯაჭვი გაარღვიეს, რასაც შეტაკებები მოჰყვა. ამჟამად არეულობა გრძელდება, აქციაში რამდენიმე ათეული ადამიანი მონაწილეობს.