კახა კალაძე საკრებულოს სხდომაზე მივიდა
თბილისის მერი, კახა კალაძე საკრებულოში მივიდა. კალაძე საკრებულოს სხდომას ესწრება, რომელზეც დედაქალაქის 2018 წლის ბიუჯეტის პროექტი უნდა განიხილონ.
სხდომა რამდენიმე წუთის წინ, საკრებულოს თავმჯდომარემ გახსნა.
თბილისის 2018 წლის ბიუჯეტის პროექტს საკრებულოს წევრებს თავად კახა კალაძე გააცნობს, რის შემდეგაც შეკითხვებს უპასუხებს.
კალაძესთან ერთად სხდომაზე იმყოფება ვიცე-მერი ირაკლი ხმალაძეც.
თბილისის 2018 წლის ბიუჯეტის პროექტის მოცულობა 861,609 მლნ ლარს შეადგენს, საიდანაც 60 მილიონი ლარი ცენტრალური ბიუჯეტიდან დამატებით გამოყოფილი ტრანსფერია.
იხილეთ ვიდეო: "დედაქალაქის 2018 წლის ბიუჯეტის პროექტის განხილვა - საკრებულოში თბილისის მერიც მივიდა"
